Hil MosiMir s’ardhsh, prêndver e bukur,
Ti gzim i ksaj natyr!
Me t’kândshmet lulet t’uja,
Mir s’ardhsh, m’at t’qeshun ftyr!
Ah!—prap ti ne na dole,
E bukur plot dashtnië!..
E ne qi ty të pritme
Na mbushe plot knaqsië.
A thu prap vashen t’ême
Ti je kah e kujton?
Atje vasha më deshti,
E sot edhe me don!
Per vashen t’ême lule
T’u luta ty nji her—
E sot prap ty po t’lutem
M’ep rishtas, o prêndver!
Mir s’ardhsh, prêndver e bukur,
Ti gzim i ksaj natyr!
Me t’kândshmet lulet t’uja,
Mir s’ardhsh, m’at t’qeshun ftyr!