E treta vjetë

Kjo âsht e treta vjet, qi un fejumun.
Pa ty jam êmnin t’êm un tuj e lut;
Kjo âsht e treta her, qi je tuj m’çumun
Nji tub me lule, qi ti vet ke kput—

E bota ne të dy nuk na lshon gojet,
Tuj thân: «Kta t’dy si s’u martuene mâ?
E na të dy shpesh her perqeshna soje,
Se pse dashtnia darsem s’din me bâ!—

Ç’at ças qi t’dy u lidhme n’bes dashtnore,
Na darsmen t’on t’perjetshme e patme kry,
Veç na mungon ajo lidhnië fetore,

Qi fetarisht t’na lidhin mu e ty;
Pra s’ka ça flet kurrgjâ kjo bot mizore:
Nji pêng dashtnuer i shêjt nuk din m’u shu!