O bobo!

O bobo! e u bubu!
Mikia nër mënt e vu;
Në shtëpi të saj më shpu,
Se nënen s’e kish këtu;
Po shejtani na i-pru
Dhe na gjeti gju-për-gju!!..
— Bijë ç’është ky këtu?
— Moj nëne mos thirrë kshtu;
I varfër e i vjen uu,
Dhe kërkon kulaç të gru.—
Thotë plaka i ap u
Dhe vate mori një dru!..
Ik’ajo e ikë u…
M’uzu këmba më një hu,
Vrava të shkretinë gju
Edhe rashë si kërcu!
Plaka po vinte tëhu,
Erdhi nga veshi më zu
Dhe më dha kulaç të gru!..