Prêndvéra

Jeni lodhë, dallëndysha t’shkreta,
Jé molis’ i ziu bylbyl;
Ah! pushoni n’streh’ kû u gjeta,
Pushò n’kopshtë te njaj zymyl.
 
Mbî krahë t’uej prei dhénash tjera
Ju prêndvéren na prûet këtej;
Shlodhn’ju prá, dallëndyesha t’mjera,
Rri, bylbyl, n’lulzim qi kthej.
 
Se qe ‘j prrue prej malit ulet
E t’tanë fushës ushqim i nep;
E nen bórë po shperthejn’ lulet
Porsi fëmijë qi zblohen n’djep.
 
Fllad i lét me vapë dashtnijet
Puthi pêmën gêmb për gêmb;
U zgjue pêma, e qe prej shijet
Buloj mbarë nëpër kopshtë t’êm.